Uhaw..

Nagalingan ako sa batang to..

Pero pag nakikita ko siya iba ang naiisip ko

Yung matadang pulubi kanina sa gitna ng kalsada

Na kumakain ng palabok at walang pakialam sa iba

Wala namang mali doon

Kaso nga lang baka masagasaan siya sa ganoong posisyon

Nakasakay ako ng tricycle kaya walang nagawa

Naiisip ko tuloy siya sa mukha ng iba

Naglalaro kami ng volleyball kanina

May matanda na naman kaming nakita

nakahiga siya at mukhang doo'y matagal na

Kaya nanghihingi ng tubig dahil uhaw na

Binigyan siya ng kapatid ko ng iinuming tubig

May isang lalaking naglagay ng tinapay malapit sa kanyang bibig

Habang nakahiga nahihirapan siyang uminom

Kaya't naisipan kong tulungan para mapawi ang uhaw at gutom

Binuhat ko ng dahan-dahan ang kanyang ulo

Ngunit sumigaw siya ng gawin ko ito

Sinigawan na lang ako ng mga kapatid ko

Kaya tuloy lumayo na lamang din ako

Iniisip ko tuloy kung nagalit ba siya

Dahil sa tulad kong pakialamera

Nahirapan lang naman kasi ako nung makita

Na yung tubig ay tumatapon na sa kanyang mga mata

Puro pasa ang kanyang mukha

Madungis ang katawan na tila walang nagaaruga

Sabi ng mga bata doon

Nung Lunes pa daw yung matandang yon

Ilang araw na siyang doon nakahiga

Tubig at pagkain binibigyan ng makakakita

Palaisipan pa din kung anung nangyari sa matanda

Na hirap na hirap din sa pagsasalita

Itsura nito'y pumapasok sa aking ulo

Lagi ko tuloy naaalala ito

Hay matutulog na nga ko

Baka sumama pa siya sa panaginip ko