Ang Natatanging Gabi 

Abong kuneho ang nakikita ko

Sa buwang nagliliwanag sa gabing ito

Pinalilibutan ito ng mga ulap

Na nagbibigay misteryo sa pagilaw nitong aandap-andap

Alam mo ba ang dulot ng dilim?

Ito'y tila nagkukubli sa bawat lihim

Sumasabog ang mga tala't nagpapakita

Ng mga natatanging ning-ning na bihirang masilayan pa

Lahat ay may kanya-kanyang kwento

Gaano man kadilim ito

Salamat sa buwan at sarili'y nakita

Aninong nagtatago ay tila nakalaya