Magningning Ka Tulad ng Iba!

Sabi ng isang co-teacher ko

Ang galing ni anu no..yung kumanta sa ano..

Sabi ko ano nga bang pinagkaiba niya sa akin at sayo?

Eh sikat lang naman siya sa ibang tao

Marunong ka din namang kumanta

Siya nga lang yung tinitilian ng iba

Magaling naman kasi lahat tayo

Sa iba’t –ibang paraan nga lamang ito

Kung tutuusin mas magaling pa tayo sa iba

Iba nga lang din ang kapalaran niya

Tao lang rin naman siya

Kumikilos at nabubuhay na kapareha

Wag sana nating maliitin ang sarili

Mahalin ito at ipagmalaki

Mapalad ka sa katayuan mo

Wag ikumpara ang sarili sa ibang tao

Lahat tayo’y may sariling kinang

Wag hayaang takot at pangamba’y humarang

Sa pagniningning mong parang  bituin

Pakislapin ang sarili’t pangarap ay abutin