Dream! Believe! Survive!

Sabi sa amin ni Maam Sanopo

Nabubuo ang salita dahil may pangangailangan dito

Parang ikaw lang at ako

Na siyang bumubuo sa mundo

Mahirap man itong isipin

Naghahanap ng dahilan at nakatingin sa hangin

Nandito ka at ako

Maniwala tayo may pagbabago

Hindi ko man alam ang inaantay ko

Ngunit parang may bumubulong sa puso ko

Nagsasabing magtiwala ka

Pramis! Ika’y magiging masaya

Minsan ang tiwala’y nawawala

Nakatuon sa malayo’t nakatulala

Buti’y may konsensyang nagsasalita

Wag kang tanga at maniwala

Dream! Believe! Survive!

Tayo na’t mag high five

Nakakatakot man ang daan

Lagi para sayo’y may nakalaan

Marami kang magagawa

Wag ka nga lang tumunganga

Halika na’t maging gabay

Maging inspirasyon sa iba at mag-akay

Wag magpatalo sa nararamdaman mo

Tapusin ang pagiisip kada minuto

Buhatin ang sarili at magpakasaya

Palitawin ang natatangi mong ganda