Adik  Ito!

Pag sa isang bagay ba ika’y nasarapan

Hindi mo na ba ito titigilan?

Hihinahon ka pa kaya?

Kung sa buhay mo ito’y mawawala

Hahanap-hanapin mo ba ito?

At kalilimutan ang limitasyon mo

Makakapagpigil ka pa kaya?

Kung ang laway mo’y tumutulo na parang luha

Iba-iba man tayo ng pagkatao

May mga tanong pa rin sa isip ko

Kung bakit ba sa mundong ito

Parang walang kontrol ang mga tao

Yung tipong alam mo na na mali

Isisiksik pa rin sa sulok at ikukubli

Ang mga maling bagay na nagpapasarap

At sumisira din naman sa iyong pangarap

Di naman sa nagmamalinis ako

Pero bakit ba kasi nagpapakatanga tayo

Pwede namang iayon ang lahat sa tama

Nang buhay natin ay guminhawa

Hawak mo ang isip mo

Patakbuhin mo sa tama ito

Wag ng ipagpabukas pa

Simulan mo na habang maaga