Animalandia

Nakasanayan ko na naman

Na may hayop sa aming tahanan

Nakakagulat nga lang

Makakita ng kalapating lumilipad na parang wala lang

Dati may mga kulungan pa sila

Ngayon pakalat-kalat na

Muntik ko nang matapakan ang isang kuting

Na rumoronda sa sala namin

Nagampon na naman sila

Si Koby at Kassy na kinaawaan nila

Itatapon na sana ng kapitbahay

Kaya inuwi na lang daw nila sa aming bahay

Si Justine at Chu-chu ganun pa din

Maharot pa rin at nagaagawan sa pagkain

Si Justine ang masigla naming aso

Paghinagis ang pagkain nasasalo

Si Chu-chu yung matanda na

Na sabi ng mga kapatid kong doctor ay may katarata na

Sabi ko paano nyo nalaman?

Tingnan ko daw ng mapatunayan

Ayoko na lang makipagtalo

Sabi din kasi nila dati manganganak ito

Ilang taon na ang nakalipas

Walang nangayari sa hinihintay na oras

Si Alexa Abuda ang paborito ko

Na pinangalanan ng bunsong kapatid ko

 Supervisor siya na nagpaparoo’t parito sa loob ng bahay

Mga pakpak niya’y  walang humpay sa pagkampay

May mga bago ding dating na kalapati

Kaya sa paggawa ng bahay sila’y di nagatubili

Si Lucy, Ersa, Grey, at Natsu ang kumukumpleto

Apat na bagong miyembro ng pamilya namin ito

Muntik ko na malimutan ang mga manok

Unahin na natin si Ok-ok

Nagiisang inahin

Na nagbibigay samin ng makakain

Si Strokey ang pangalawa

Na para daw nastroke pag-umiinom siya

Itinataas ang leeg niya

At para bang hirap sa paghinga

Ganito man kami karami

Mga hayop ang nakasasaksi

Sa kasiyahang mayroon kami

Na kahit kaila’y di mabibili.

9:16 pm - 9:44 pm

April 19, 2014

Cavite

-Sa tulong ni Rexainne-