Selda Sa Iyong mga Mata

Nakatayo na naman si Mang Lucio

Nakatingin sa malayo’t nilalagok ang bisyo

Napatanong ang tatlong bata sa tindero

Bakit po kaya ganyan si Mang Lucio?

Eh Mang Lucio anu po bang course ang kinuha nyo?

Wala lang naman po natanong ko

Criminology sabay halakhak

Sumabay ang lahat sa pagtawa ng batak

Eh bakit po kayo hindi nagpulis?

Nasabi ng labi kong tumatalilis

Eh kasi nga naging criminal ako

At nakabaril sa ulo

Bumilang ng ilang segundo

Bago lumabas ang reaksyon ko

Nang bumalik ako sa sarili ko

Nagtaka kung totoo ba ang lahat ng ito

Kaya pala laging may lungkot sa kanyang mata

Siya pala’y nakakulong sa isang selda

Hindi man sya nabilanggo

Kalaban naman niya ang kanyang puso