“I did it my way..”
Ibinaba ni Papa Yoyo
ang mikropono. Nagtawanan ang lahat ng nakapaligid.
“Ana halika nga dito!”
Bakit po? Ang sagot nya habang naghuhugas ng plato. Lumapit sya nang nakangiti
at nagtataka sa mga nakapaligid na tao.
Hinawakan sya sa balikat ng matandang lasenggero. Nagtataka man
nakatayo pa rin sya sa harap nito. Dumampi sa kanyang mga labi ang mga labi
nito. Amoy chico. Napakabaho ng amoy nito. Nalasahan nya pa ang alak na ininom
nito.
Tulala syang bumalik sa lababo. Pigil ang luha at bibig sa pagsasalita.
Ito ang naging simula.
Naging kaibigan nya
ang madilim na kwarto pati na rin ang malaking aparador sa loob nito.
“I did it my way..” mahina na ang pagkakarinig nya sa kantang ito. Nakakulong na sya sa kwarto. Nagtatago at hindi humihinga sa malaking
aparador dito.
Walang komento:
Mag-post ng isang Komento